धनुषा । मैथिली भाषाका महाकवि विद्यापति स्मृति पर्व जनकपुरधाम लगायतका क्षेत्रमा विभिन्न कार्यक्रम गरी मनाइएको छ ।
महाकवि विद्यापतिले भाषा, संस्कृति र साहित्यको माध्यमबाट पुर्याएको योगदानको सम्झनामा मिथिलाञ्चल क्षेत्रमा बुधवार स्मृति पर्व मनाइएको हो ।
यस अवसरमा विभिन्न संघ-संस्थाहरूले विद्यापतिको प्रतिमामाथि माल्यार्पण, कवि गोष्ठी, विचार गोष्ठी, सांस्कृतिक तथा साहित्यिक कार्यक्रम आयोजन गरे ।
त्यसक्रममा मैथिली अनुरागीहरूले समृद्ध भाषिक तथा सांस्कृतिक पृष्ठभूमि भएको मैथिली भाषा अझै ओझेलमा परिरहेकाले त्यसको उत्थान गर्नुपर्नेमा जोड दिएका छन् ।
