काठमाडौं । मदन पुरस्कार गुठीले ‘मदन पुरस्कार-२०८०' का लागि पाँच कृति छनोट गरेको छ । मदन पुरस्कारका लागि गुठीलाई प्राप्त ३ सय ४ पुस्तकमध्ये ५ पुस्तक छानिएको गुठीले मंगलबार विज्ञप्तिमार्फत जनाएको छ ।
छानिएका ५ पुस्तकमध्ये एउटाले वर्ष-२०८० को मदन पुरस्कार जित्नेछ ।
पुरस्कारका निम्ति पहिलो चरणमा भक्त स्याङ्तानको डम्फुको आत्मालाप, जीवन क्षेत्रीको नुन तेल, भावेश भूमरी र प्रणिता चामलिङको भावलिपि, मोहन मैनालीको मुकाम रणमैदान र रोशन थापा ‘नीरव’को सन्त्रासका साठी दिन छनोट भएका हुन् ।
