काठमाडौं । आज असार २९, आदिकवि भानुभक्त आचार्यको २१०औँ जन्मदिन । यस अवसरमा देशभर विभिन्न कार्यक्रम गरी भानु जयन्ती मनाइँदै छ । भानु जयन्तीमा काठमाडौं उपत्यकासहित देशका विभिन्न क्षेत्रमा भानुको सम्झनामा माल्यार्पण तथा कवितासहितका रचना वाचन गरिँदै छ ।
देशको शैक्षिक, प्राज्ञिक एवं साहित्यिक जगत्मा भानु जयन्तीको विशेष महत्त्व छ । भारतका दार्जिलिङ र सिक्किममा पनि आज भानु जयन्ती मनाउने गरिन्छ ।
तनहुँको चुँदी रम्घामा जन्मिएका आचार्यले नेपाली भाषा साहित्यमा मौलिकता थपे । संस्कृत भाषामा लेखिएको लोकप्रिय ग्रन्थ रामायणलाई नेपाली लोकलयमा उतारे, आम नेपालीको जनजिब्रोमा पुर्याए ।
प्रश्नोत्तर माला, वधू शिक्षा, रक्त माला र राम गीता आदिकवि भानुभक्तका महत्त्वपूर्ण रचना हुन् ।
सम्बन्धित समाचार...
