कास्की । सहकारी ठगी, संगठित अपराध र सम्पत्ति शुद्धीकरणको कसुरमा कास्की प्रहरीको हिरासतमा रहेका पूर्व गृहमन्त्री तथा राष्ट्रिय स्वतन्त्र पार्टीका सभापति रवि लामिछाने सहित पाँच जना विरुद्ध जिल्ला अदालत कास्कीमा अभियोग पत्र पेश गरिएको छ ।
पोखराको सूर्यदर्शन सहकारीको रकम अपचलन गरेको अभियोगमा लामिछाने सहित पाँच जना विरुद्ध सरकारी वकिल कार्यालयले आज कास्की जिल्ला अदालतमा अभियोग पत्र पेश गरेको हो । हाल रुजु गर्ने काम भइरहेको र केही बेरमा मुद्दा दर्ता गर्ने तयारी भएको बताइएको छ ।
लामिछानेसँगै पूर्वडीआईजी एवं गोर्खा मिडियाका सञ्चालक छविलाल जोशी, नेचर हर्ब्सका सञ्चालक रामबहादुर खनाल, लीला पछाई र सूर्यदर्शन सहकारीका सञ्चालक कृष्ण गुरुङ विरुद्ध आज मुद्दा दर्ता हुन लागेको हो ।
मुद्दा दर्ताका लागि लामिछानेलाई अदालतमा उपस्थित गराइसकिएको छ । कुल ३१ जना विरुद्ध अभियोग पत्र दर्ता गर्ने तयारी छ ।
.png&w=400&height=300)
