आजका मुख्य समाचार
– पूर्वगृहमन्त्री लामिछानेसहित १२ जनाविरुद्ध रुपन्देही अदालतद्वारा संगठित अपराधमा पक्राउ पुर्जी / थप ७ दिन थुनामा राख्न कास्की अदालतको अनुमति / सम्पत्ति शुद्धीकरणमा पनि अनुसन्धान हुने ।
– संसद् र संवादको विकल्प हुँदाहुँदै सरकारविरुद्ध सडकमा उत्रने विपक्षी दलको तयारी / आन्दोलनको औचित्य पुष्टि गर्न भने चुनौती ।
– विपद्पछिको पुनर्निर्माणका लागि आफैँ स्रोत जुटाउने कि दातृ निकाय गुहार्ने भन्नेमा अन्योल / भौतिक मन्त्रालय अन्तर्गत मात्रै १५ अर्ब लाग्ने प्रारम्भिक अनुमान ।
– भारतको ओडिसा र पश्चिम बंगालमा समुद्री आँधी / करिव १० लाख बासिन्दालाई सुरक्षित स्थानमा सारिँदै / तटीय क्षेत्रका विद्यालय, विमानस्थल र रेल्वे सेवा बन्द ।
– नेपाल समूह विजेता बन्दै साफ महिला च्याम्पियनसिपको सेमिफाइनलमा / समूह चरणको अन्तिम खेलमा श्रीलंकामाथि ६ शून्यको जित / भुटानले माल्दिभ्सलाई १३ शून्यले हरायो ।
