आजका मुख्य समाचार
– कान्तिपुरका अध्यक्षको गिरफ्तारीप्रति निजी क्षेत्रको आपत्ति / सरकारले मिडिया उद्योग नै धराशायी बनाउन खोजेको सञ्चार क्षेत्रको ठहर / सिरोहिया तीन दिनमा छुट्ने ओलीको दाबी ।
– सत्ता पक्षले गृहमन्त्री जोगाउन खोज्दा सहकारी ठगी छानबिन समिति गठनमा ढिलाइ / क्षेत्राधिकारमा अझै विवाद / शक्तिको आडमा दण्डहीनता बढेकोमा ट्रान्सपरेन्सी इन्टरनेशनलको चिन्ता ।
– चुरे क्षेत्रका बासिन्दा २५ दिन हिँडेर पानी माग्दै काठमाडौंमा / दोहनले भूमिगत जलभण्डार सुक्दा तराईमा पानीको हाहाकार / सरकारलाई चासो न चिन्ता ।
– विज्ञान विषय अनिवार्य भए पनि ३० प्रतिशत सामुदायिक विद्यालयमा छैन प्रयोगशाला / अभ्यासबिनै विद्यार्थीलाई अंक / ३ हजार ५ सय विज्ञान शिक्षक अभाव ।
– एसीसी महिला एसिया कपका लागि इन्दु वर्माको कप्तानीमा २८ जनाको प्रारम्भिक टोली घोषणा / एलिसा, हेलिषा, साबित्री र राजमती पहिलो पटक टिममा ।