एनपीएल : काठमान्डुविरूद्ध टस जितेर कर्णाली ब्याटिङमा

मंसिर १४, २०८२ |खेल ब्युरो
एनपीएल : काठमान्डुविरूद्ध टस जितेर कर्णाली ब्याटिङमा

काठमाडौं । नेपाल प्रिमियर लिग (एनपीएल)को आइतबारको खेलमा कर्णाली याक्स र काठमान्डु गोर्खाज प्रतिस्पर्धा गर्दैछन् । 

र्कीतिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा कर्णालीले टस जितेर ब्याटिङ गर्ने निर्णय लिएको छ । सोमपाल कामीको कप्तानीमा रहेको कर्णालीले जारी प्रतियोगितामा चार खेलमा एउटामा मात्रै जीत निकालेको छ । दुई अङ्क मात्रै जोडेको कर्णाली छैटौँ स्थानमा छ । प्लेअफमा यात्राको बाटोमा रहिरहन उसलाई आइतबारको जित आवश्यक छ ।

करण केसीको नेतृत्वमा रहेको काठमान्डुले पाँच खेलबाट तीनमा जित निकाल्दै तालिकाको तेस्रो स्थानमा छ । प्लेअफको यात्रामा जोडिन काठमान्डुका लागि पनि यो खेल महत्त्वपूर्ण हुनेछ । प्रतियोगितामा अपराजित सुदूरपश्चिम रोयल्स पाँच वटै खेलमा जितका साथ प्लेअफमा सुरक्षित भइसकेको छ । 

नेपाल क्रिकेट सङ्घको आयोजनामा यही मङ्सिर १ गतेदेखि सुरू भएको प्रतियोगितामा आठ टोली सहभागी छन् ।-रासस