काठमाडौं । दोस्रो संस्करणको नेपाल प्रिमियर लिग-एनपीएलको साविक विजेता जनकपुर बोल्ट्सले यस सिजन खराब प्रदर्शन जारी राखेपछि गत संस्करणको फाइनलिष्ट सुदूरपश्चिम रोयल्सविरूद्ध नियमित कप्तान अनिल शाहलाई आरम दिएको छ ।
टिकको कप्तानको जिम्मेवारी वायन पार्नेललाई दिइएको हाे । अनिलको स्थानमा आदित्य महतालाई अवसर दिइएको छ । सुदूरपश्चिमले पनि एक परिवर्तन गरेको छ । नरेन साउदको स्थानमा मिलन बोहरालाई खेलाएको छ । सुदूरपश्चिम जारी एनपीएलको एक मात्र अपराजित टोली हो । उसले लगातार ४ खेल जित्दै ८ अंक जोडेको छ । यो खेल जितले सुदूरपश्चिम प्ले अफमा पुग्नेछ ।
साविक विजेता जनकपुर भने जारी एनपीएलमा जित निकाल्न नसकेको एक मात्र टोली हो । लगातार तीन खेल हारेको जनकपुर अंक तालिकाको पुछारमा छ ।
