स्पेनिस ला-लिगाको नयाँ सिजन आजबाट सुरू हुँदै

श्रावण ३०, २०८२ |खेल ब्युरो
स्पेनिस ला-लिगाको नयाँ सिजन आजबाट सुरू हुँदै

काठमाडौं । स्पेनिस ला-लिगाको नयाँ सिजन शुक्रबार सुरू हुँदै छ । सिजनको उद्घाटन खेलमा जिरोनाले रायो भालोकानोलाई स्वागत गर्दै छ ।

एस्टादी मोन्टिलिभीमा खेल नेपाली समय अनुसार राति पौने ११ बजे सुरू हुने छ । गत सिजन जिरोनाले १६औं स्थानमा लिग समाप्त गरेको थियो । उ १ अंकले मात्र रेलिगेसनबाट जोगिएको थियो ।

भालोकानोले भने आठौं स्थानमा रहेर लिग समाप्त गर्दा कन्फरेन्स लिग प्लेअफका लागि योग्य भएको थियो । जिरोना टोलीले यस वर्ष हुगो रिन्कोन, एक्सेल विट्सेल, भिटोर राइस र थोमस लेमार गरी चार नयाँ खेलाडी भित्राएको छ ।

भालोकानोले पनि चार नयाँ खेलाडी भित्र्याएको छ । जसमा सबैभन्दा महंगो ओगस्तो बाटाल्ला छन् । उनले गोलपोस्टमा डेब्यू गर्ने छन् । लुइज फेलिपे पनि रक्षापंक्तिमा खेल्ने सम्भावना छ। अब्दुल मुमिन भने चोटका कारण खेल्न नपाउन सक्छन् ।

गत सिजन दुबै टोलीबीचको पहिलो खेल गोलरहीत बराबरीमा सकिँदा दोस्रो खेलमा भालोकानोले २-१ ले जित हासिल गरेको थियो । फ्रन्च लिग वान पनि आजैदेखि सुरु हुँदै छ ।