काठमाडौं । नेपाली महिला यू-१९ टोलीले स्कटल्यान्डलाई ७४ रनको लक्ष्य दिएको छ । आईसीसी यू-१९ महिला टी ट्वेन्टी विश्वकपमा नेपालले आफ्नो दोस्रो खेलमा स्कटल्यान्ड विरुद्ध ७३ रन बनाएको हो ।
टस जितेर सुरूमा ब्याटिङ रोजेको नेपालले १८ ओभर ५ बलमा सबै विकेट गुमाएर ७३ रन मात्र बनाएको हो । नेपालका लागि पूरा महतोले सर्वाधिक २७ रन बनाइन् । यस्तै सावित्री धामीले १० रन बनाउन बाहेक अन्य खेलाडीले दोहोरो अंकमा रन बनाउन सकेनन् ।
स्कटल्यान्डकी मेजी मेसेराले ५ विकेट लिइन् ।
अहिले स्कटल्यान्डको टोली जवाफी ब्याटिङमा उत्रिएको छ ।
