काठमाडौं । आईसीसी महिला यू-१९ टी ट्वेन्टी विश्वकपमा आज नेपाल र स्कटल्यान्ड भिड्दै छन् । मलेसियामा क्रिकेट ओभलमा टस जितेर नेपालले पहिले ब्याटिङ रोजेको छ ।
योसँगै स्कटल्यान्डको महिला टोली पहिले फिल्डिङ गर्न मैदानमा उत्रँदै छ । खेल नेपाली समय अनुसार १२:१५ बाट सुरू हुनेछ ।
आफ्नो पहिलो खेलमा पराजित दुवै टोली आज पुनरागमनको प्रयासमा हुनेछन् । नेपाल पहिलो खेलमा बंगलादेशसँग ५ विकेटले पराजित भएको थियो ।
स्कटल्यान्ड भने अस्ट्रेलियासँग ९ विकेटले पराजित भएको थियो ।
