काठमाडौं । नेपाल प्रिमियर लिग एनपीएलको विजेता जनकपुर बोल्ट्सले सप्तरी पुगेर विजयोत्सव टुंग्याएको छ ।
बोल्ट्सले गत शुक्रबार मधेश प्रदेशको जनकपुरबाट ट्रफी टुर सुरु गरेको थियो । पहिलो संस्करणको च्याम्पियन बनेको बोल्ट्सले मधेश प्रदशेका आठ जिल्लाको भ्रमण गर्दै समर्थक माझ खुशी मनाएको हो ।
च्याम्पियन बोल्ट्सका खेलाडीलाई आज सिरहा सदरमुकाम परिक्रमा गराइएको थियो । खेलाडीको स्वागतमा हजारौं समर्थक उपस्थित भएका थिए ।
खेलाडीले ट्रफी टुरमा यति धेरै समर्थकको अपेक्षा नगरेको बताए । यसले थप मनोबल र उर्जा दिएको उनीहरुको भनाइ छ । जनकपुरले फाइनलमा सुदूरपश्चिम रोयल्सलाई पराजित गर्दै उपाधि जितेको थियो ।
