काठमाडौं । नेपाल प्रिमियर लिग (एनपीएल) को आजको पहिलो खेलमा लुम्बिनी लायन्स र सुदूरपश्चिम रोयल्स भिड्दै छन् । टस हारेर पहिले ब्याटिङ गरेको सुदूरपश्चिमले निर्धारित २० ओभरमा चार विकेटको क्षतिमा १८७ रन बनाएको छ ।
सुदूरपश्चिमका लागि सैफ जाइबले सर्वाधिक ९० रन बनाए । उनले ६१ बलमा ६ चौका र पाँच छक्काको मद्दतमा आक्रामक पारी खेल्दै सुदूरपश्चिमलाई बलियो स्थितिमा पुर्याए । सुदूरपश्चिमका ब्रान्डन म्याकमुलेनले २३ तथा विनोद भण्डारीले १७ रन बनाए । कप्तान दीपेन्द्रसिंह ऐरीले अविजित ३९ रन बनाए ।
लुम्बिनीका लागि बलिङतर्फ रामोन सिम्मोन्ड्सले दुई विकेट लिए । रोहित पौडेल र विवेक यादवले समान एक विकेट लिए ।
१८८ रनको लक्ष्यका साथ लुम्बिनी मैदानमा उत्रँदै छ ।
