काठमाडौं । साउदी प्रो लिगमा अल नासारले १० खेलाडीमा समेटिएको डामाकमाथि २-० गोलको जित हात पारेको छ । अल नासरको जितमा दुवै गोल क्रिस्टियानो रोनाल्डोले गरेका हुन् ।
रियादमा भएको खेलको १७औं मिनेटमा रोनाल्डोले पेनाल्टी मार्फत गोल गर्दै नासारलाई १-० को अग्रता दिलाएका थिए । अब्देलकादर बेदरानेबाट ह्यान्डबल भएपछि अल नासारले पेनाल्टीको मौका पाएको थियो । पहिलो हाफमा डामाकले पुनरागमन गर्न सकेन । ५६औं मिनेटमा अब्देलकादर रातो कार्ड पाउँदै मैदानबाट बाहिरिएपछि १० खेलाडीमा सीमित डामाक थप दबाबमा आयो । ७९ औं मिनेटमा रोनाल्डोले पुनः गोल गरेपछि नासारले सहज जित हात पारेको हो ।
पोर्चुगिच स्ट्राइकर रोनाल्डोको करियरको यो नौ सय १५औं गोल हो । तालिकाको तेस्रो स्थानमा रहेको नासारको १२ खेलबाट २५ अंक छ । जुन शीर्ष स्थानको अल इत्तिहादभन्दा पाँच अंकले पछि हो । दोस्रो स्थानको अल हिलालको २८ अंक छ । दुवैले नासारभन्दा एक खेल कम खेलेका छन् । डामाक १४ अंक जोड्दै ११औं स्थानमा छ ।
