काठमाडौं । आईसीसी विश्वकप लिग टू अन्तर्गत नेपाल र स्कटल्यान्डबीचको खेलमा स्कटल्यान्डले टस जितेर पहिले फिल्डिङ गर्ने भएको छ ।
टेक्सस डालासस्थित ग्रान्ड प्रेरी क्रिकेट स्टेडियममा हुने खेल राति सवा १० बजे सुरु हुने तय थियो । तर वर्षाका कारण खेल अझै सुरु भएको छैन ।
आजको खेलमा चोटका कारण करण केसी र भीम सार्कीले खेल गुमाउने भएका छन् ।
यी दुई खेलाडीको ठाउँमा क्यानले देव खनाल र सागर ढकाललाई टिममा राखेको छ। यी दुई खेलाडी यसअघि रिजर्भमा थिए। लिग टूको अन्तिम खेलको लागि मात्र उनिहरु टिमको स्क्वाडमा समावेश भएका हुन्।
