काठमाडौं । पुबुदु दासानायके नेपाल, अमेरिका र स्कटल्यान्डसम्मिलित आईसीसी विश्व कप लिग टूको त्रिकोणात्मक सिरिजका लागि नेपाली राष्ट्रिय क्रिकेट टिमको मेन्टर नियुक्त भएका छन् ।
नेपाल क्रिकेट संघ–क्यानले विज्ञप्ति जारी गरी अमेरिकामा हुने उक्त सिरिजका लागि पुबुदु दासानायकेलाई नेपाली राष्ट्रिय क्रिकेट टिमको मेन्टरको जिम्मेवारी दिएको जनाएको हो ।
पुबुदु नेपालका पूर्वमुख्य प्रशिक्षकसमेत हुन् । उनको प्रशिक्षणमा नेपाल २०२४ मा पहिलो पटक टी-२० विश्वकपमा पुगेको थियो । उनी नेपाल प्रिमियर लिग टोली जनकपुर बोल्ट्सका मुख्य प्रशिक्षकसमेत हुन् ।
नेपाल, अमेरिका र स्कटल्यान्डबीचको लिग टूको त्रिकोणात्मक सिरिज अक्टोबर २५ देखि नोभेम्बर ४ सम्म चल्नेछ ।