काठमाडौं । नेपाल र अमेरिका बीचको तीन खेलको टी-ट्वेन्टी-आई सिरिज भोलिबाट सुरु हुँदै छ । टेक्ससको डालासस्थित ग्रान्ड प्रेरी क्रिकेट स्टेडियममा हुने पहिलो खेल भोलि बिहान पौने ६ बजे सुरु हुनेछ ।
खेलको प्रत्यक्ष प्रशारण कान्तिपुर म्याक्ससहित कान्तिपुर टेलिभिजनका डिजिटल प्लेटर्फममा पनि खेलको प्रत्यक्ष प्रसारण हुनेछ ।
दोस्रो खेल आइतबार बिहान र तेस्रो तथा अन्तिम टी-ट्वेन्टी आई सोमबार बिहान हुनेछ । यो सिरिजपछि नेपाल, अमेरिका र स्कटल्यान्डबीच लिग-टूका खेल हुनेछन् ।
लिग-टू सिरिज २५ अक्टोबरदेखि डालास मै सुरु हुनेछ । रोहित पौडेलको टोली क्यानडामा लिग टू र टी-ट्वेन्टी आई सिरिज खेलेर त्यहीँबाट अमेरिका गएको हो ।
