काठमाडौं । यूएफा च्याम्यिन्स लिगमा इंग्लिस टोली आर्सनलले फ्रेन्च क्लब पेरिस सेन्ट जर्मेन पीएसजीलाई पराजित गरेको छ ।
घरेलु मैदान एमिरेट्स स्टेडियमा आर्सनलले पीएसजीलाई २-० गोल अन्तरले पराजित गरेको हो । घरेलु टोलीले पहिलो हाफमै बनाएको २ गोलको अग्रता अन्त्यसम्म कायम गर्यो ।
मिकेल अर्टेटाको टोलीलाई जित दिलाउन काई हाभर्टेज र बुकायो साकाले गोल गरे । हाभर्टेजले २० औं तथा साकाले ३५ औं मिनेटमा गोल गरेका हुन् । जितसँगै आर्सनल नयाँ ढाँचाको च्याम्यिन्सको ८ औं स्थानमा उक्लिएको छ । आर्सनलले २ अेलमा ४ अंक जोडेको छ । समान खेलमा ३ अंक जोडेको पीएसजी १८ औं स्थानमा छ ।
