काठमाडौं । युरोपेली च्याम्पियन्स लिगमा आज राति ६ खेल हुँदैछन् । आज राति म्यानचेस्टर सिटीले इन्टर मिलानको सामना गर्नेछ। पीएसजीले जिरोनासँग खेल्ने तालिका छ ।
दुई संस्करण अघिको विजेता म्यानचेस्टर सिटीले आज राति पौने एक बजे इतिहाद रंगशालामा इन्टर मिलानलाई आतिथ्यता प्रदान गर्नेछ । यसअघि यी दुई टिम इतिहासमा नै एकपटक मात्र भेट भएका थिए ।
सो खेल सिटीले जितेको थियो । न्युकासल, चेल्सी, लिभरपुल र आर्सनलजस्ता टिमलाई समेत उसकै घरेलु मैदानमा हराइसकेको इन्टर आज पनि जितको खोजीमा हुनेछ । तर पछिल्लो २३ खेलमा अपराजित म्यानचेस्टर सिटी निर्वाध रुपमा यो संस्करणको पनि उपाधि दाबेदार टोली हो ।
यदि सिटीले अबका दुई खेलमा जित दर्ता गरे उसले म्यानचेस्टर युनाइटेडले बनाएको २५ खेलको अपराजित यात्राको कीर्तिमान बराबरी गर्नेछ । च्याम्पियन्स लिगमा आजै फ्रेन्च जायन्ट पीएसजीले राति पौने १ बजे नै जिरोनाको सामना गर्नेछ तालिका छ ।
जिरोना, पीएसजीले च्याम्पियन्स लिगमा खेल्न लागेको ४४ औं फरक टिमसमेत हो । पछिल्लो समय पीएसजीले आफूले खेलेका नयाँ टिमलाई लगातार हराइसकेको छ । च्याम्पियन्स लिगमा जिरोनाको यो डेब्यु खेलसमेत हुनेछ । यता पीएसजीले भने पछिल्लो दशकमा समूह चरणका खेल मात्र होम खेलमा हार ब्यहोरेको छ ।
लिगमा आज राति नै जर्मन क्लब बोरुसिया डर्टमन्डले क्लब ब्रुगको सामना गर्नेछ । बोलोग्नाले शख्तर डोनेस्कसँग राति साढे १० बजे खेल्दा स्पार्टा प्रहले साल्जबर्गको सामना गर्नेछ । लिगमा गएराति बायर्न म्युनिखले डाइनामो जाग्रेबविरुद्ध नौ गोल गरेको थियो।
