काठमाडौं । डच स्ट्राइकर मेप्फिस डिप ब्राजिलियन फुटबल क्लब कोरिन्थियन्समा अनुबन्धित भएका छन् ।
कोरिन्थियन्सले सम्झौताको सर्तहरू सार्वजनिक नगरे पनि स्थानीय मिडिया रिपोर्टहरुका अनुसार उनलाई क्लबले १२ दशमलव ५४ मिलियन डलरमा अनुबन्धित गरेको बताइएको छ । डिपले फुटबल जस्तो सुन्दर खेलको अवधारणा सिर्जना गर्ने देशमा खेल्ने अवसर पााउदा आफू उत्साहित भएको बताएका छन् ।
डिपले यस अघि आइन्ड होभन, लियोन, बार्सिलोना र म्यानचेस्टर युनाइटेडबाट क्लब फुटबल खेलिसकेका छन् । गत सिजन एट्लेटिको मड्रिडका लागि सबै प्रतियोगितामा ३१ खेल खेलेका उनले नौ गोल गरेका थिए ।
