काठमाडौं । शीर्ष वरियता प्राप्त यानिक सिन्नर यूएस ओपनको सेमिफाइएनलमा प्रवेश गरेका छन् ।
आज बिहान सम्पन्न क्वार्टरफाइनल खेलमा ड्यानिल मेदभेदेवलाई चार सेटमा पराजित गर्दै सिन्नर सेमिफाइनलमा प्रवेश गरेका हुन् ।
सिनरले यस वर्षको अष्ट्रेलियन ओपनको फाइनलमा मेदभेदेवलाई हराएका थिए । न्युयोर्क आर्थर एशे स्टेडियममा रुसी खेलाडी मेदभेदेवले बदला लिने अनुमान गरिए पनि सफल हुन सकेनन् । सिनरले मेदभेदेवलाई ६-२, १-६, ६-१ र ६-४ ले पराजित गरेका हुन् ।
सिन्नरले फाइनल प्रवेशका लागी बेलायतका ज्याक ड्रेपरको सानमा गर्ने छन् । एलेक्स डे मिनौरलाई सोझो सेटमा पराजित गरेका ड्रेपर पहिलो पटक कुनै पनि ग्रान्ड स्लाम टेनिसको सेमिफाइनलमा पुगेका हुन् ।
