काठमाडौं । नेपालमा अक्टोबरमा आयोजना हुने साफ महिला च्याम्पियन्ससिपको तालिका सार्वजनिक भएको छ । कार्त्तिक १ गतेबाट १४ गतेसम्म हुने प्रतियोगितामा नेपालले पहिलो खेलमा भुटानको सामना गर्नेछ।
दक्षिण एसियायाली फुटबल महासंघ साफले आज प्रतियोगिताको तालिकाबारे जानकारी दिएको हो। उद्घाटन खेलमा पाकिस्तानले भारतको सामना गर्नेछ । यसैगरी, दोस्रो खेलमा श्रीलंकाले माल्दिभ्ससँग खेल्नेछ । नेपालले कार्त्तिक २ गते पहिलो खेल खेल्नेछ । साफका सबै खेल दशरथ रंगशालामा हुने साफले जनाएको छ।
यसैगरी नेपालले आफ्नो दोस्रो खेल माल्दिभ्ससँग भदौ ५ गते खेल्नेछ । समूहको अन्तिम खेलमा नेपालले ७ गते श्रीलंकासँग खेल्नेछ । समूह ए मा भारतसहित बंगलादेश र पाकिस्तान छन् ।
त्यस्तै समूह बी मा आयोजक नेपालसँगै श्रीलंका, माल्दिभ्स र भुटान छन्। दुवै समूहका शीर्ष दुईमा रहने टिमले सेमिफाइनलमा स्थान बनाउने छन्। फाइनल खेल कार्त्तिक १४ गते दशरथ रंगशालामा हुनेछ।
