काठमाडौं । पेरिस ओलम्पिक २०२४ अन्तर्गत आज नेपालका स्यान्टु श्रेष्ठ र प्रिन्स दाहालले आफ्नो पहिलो खेल खेल्दैछन् । पेरिस एक्पो पोर्ट डे भर्सेल्समा स्यान्टु श्रेष्ठले सेनेगलका इब्राहिमा डायवसँग प्रस्पिर्धा गर्ने छन् ।
पुरुष एकलतर्फको पहिलो चरणको खेल नेपाली समय अनुसार राति साढे ७ बजे हुनेछ । स्यान्टु दक्षिण एसियाको छनोट पार गर्दै ओलम्पिक पुगेका हुन् । उनी छनोट चरण पार गरेर ओलम्पिक खेल्ने तेस्रो नेपाली खेलाडी हुन् ।
यसअघि संगिना वैधले सन् २००४ को एथेन्स र दीपक विष्ट सन् २००८ को बेइजिङ ओलम्पिकमा छनोट चरण पार गरेर सहभागिता जनाएका थिए । दुवै तेक्वान्दोबाट छनोट भएका थिए ।
यसैगरी समूह 'पी' मा रहेका ब्याडमिन्टन स्टार प्रिन्सले पहिलो खेलमा विश्व नम्बर दुई डेनमार्कका भिक्टर एक्सेल्सनको सामना गर्नेछन् । यो खेल नेपाली समयअनुसार राति पौने एकमा हुनेछ । प्रिन्स युनिभर्सालिटी कोटाबाट ओलम्पिकमा छनोट भएका थिए ।
