काठमाडौं । एसीसी महिला एसिया कपमा सहभागी भएर नेपाली राष्ट्रिय महिला क्रिकेट टिम आज स्वदेश फर्किएको छ ।
इन्दु बर्माको कप्तानीमा रहेको टिम श्रीलंकाबाट आज (बिहीबार) दिउँसो त्रिभुवन अन्तर्राष्ट्रिय विमास्थलमा अवतरण गरेको हो । नेपाल प्रतियोगितामा समूह चरणबाट बाहिरिएको थियो । तर एसिया कपमा जितविहीन यात्रामा भने नेपालले पूर्णविराम लगायो ।
नेपालले समूहको पहिलो खेलमा सम्झना खड्काको ७२ रनको मद्दतमा यूएईलाई ६ विकेटले पराजित गरेको थियो । जुन एसिया कपमा नेपालले हात पारेको पहिलो जित थियो । बाँकी दुई खेलमा भने अपेक्षा गरेअनुसारको प्रदर्शन गर्न सकेन ।
पाकिस्तानसँग ९ विकेट र भारतसँग ८२ रनले पराजित भएको थियो । नेपालले तेस्रोपटक एसिया कप खेलेको हो । यसअघि सन् २०१२ र २०१६ मा नेपालले सहभागिता जनाएको थियो ।
यो पनि...
एक्सपोजरको अभावमा उपाधि जित्ने लक्ष्य अधुरै भयो : प्रशिक्षक राई