काठमाडौं । फ्रान्सका स्टार स्ट्राइकर केलियन एमबाप्पेले आफ्नै देशमा हुने पेरिस ओलम्पिक २०२४ खेल्न नपाउने भएका छन् । एमबाप्पेले हालै अनुबन्धित भएको स्पेनिस क्लब रियाल मड्रिडले ओलम्पिक खेल्न अनुमति नदिएको भन्दै आफू ओलम्पिकका लागि उपलब्ध नहुने पुष्टि गरेका हुन् ।
२५ वर्षीय एमबाप्पेले घरेलु खेलहरूमा खेल्न इच्छुक भएपनि क्लबले अनुमति नदिएको बताएका छन् । रियालले ओलम्पिक फुटबल प्रतियोगिता फिफाको क्यालेन्डरमा नभएको भन्दै आफ्ना खेलाडीहरुलाई अन्तर्राष्ट्रिय खेलका लागि स्विकृती नदिएको बताएको छ । पुरुष ओलम्पिक फुटबलका खेलहरु जुलाई २४ बाट सुरु हुनेछन् ।
