जेनेभा । विश्व नम्बर दुई एलेक्जेन्डर ज्वेरेभ जेनेभा ओपनको सेमिफाइनलबाट बाहिरिएका छन् ।
उनी चिल्लीका निकोलास जेरीसँग दुई सेटमा पराजित हुँदै प्रतियोगिताबाट बाहिरिएका हुन् । निकै रोमाञ्चक बनेको पहिलो सेटमा जेरीले टाइब्रेकरमा बाजी मारे ।
स्वीट्जरल्याण्डको लेक जेनेभामा भएको सेमिफाइनलको दोस्रो सेटमा ज्वेरेभले खासै चुनौती पेस गर्न सकेनन् । यो सेट जेरीले ६–३ ले जिते ।
यस अघि सन् २०१९ मा जेरी प्रतियोगिताको फाइनलमा पुगेका थिए । त्यसबेला ज्वेरेभसँग नै उनी पराजित भएका थिए । उक्त हारको बदला लिँदै उनले आइतबार हुने फाइनलमा ग्रिगोर दिमित्रोभसँगको भिडन्त पक्का गरेका हुन् ।
दिमित्रोभ अमेरिकी टेलर फ्रिट्जलाई ३–६ , ७–५ र टाइब्रेकरमा हराउँदै उपाधि नजिक पुगेका हुन् । दिमित्रोभले ११ खेलपछि टुर लेभलमा जित दर्ता गर्न सफल भएका हुन् । उनी सन् २०१७ पछि पहिलो उपाधिको खोजीमा छन् ।
