लमजुङ । पहिरोले अबरुद्ध बेसीशहर-चामे सडक सञ्चालनमा आएको छ । सडकखण्ड अन्तर्गत मर्स्याङदी गाउँपालिका ४, बुङछहरा नजिकै सडक माथिबाट ढुङ्गा सहितको पहिरो खस्दा सडक अबरुद्ध बनेको थियो ।
बुधबार बिहान खसेको पहिरो सुरक्षाकर्मीको टोलिले सडक आयोजनासँगको समन्वयमा पन्छाएसँगै करिब ११ बजेबाट सडक सञ्चालनमा आएको डुम्रे-बेसीशहर-चामे सडक योजनाका सब इन्जिनियर सुमन अधिकारीले बताउनुभयो ।
