झापामा जंगली हात्तीको आक्रमणबाट एक महिलाको मृत्यु

पुस १७, २०८१ |कान्तिपुर टीभी संवाददाता
झापामा जंगली हात्तीको आक्रमणबाट एक महिलाको मृत्यु

झापा  कचनकवल गाउँपलिका-७ तारावनास्थित दिपज्योति सामुदायिक वन क्षेत्रमा ज‌ंगली हात्तीको आक्रमणमा परी एक महिलाको मृत्यु भएको छ । आज बिहान स्थानीय महिलाहरुको समूह दाउरा र घाँस काट्न वनमा गएका बेला जंगली हात्तीले आक्रमण गरेको थियो । 

जंगली हात्तीले खेदाएपछि भागेका महिलाहरुमध्ये अन्दाजी ३५ वर्षकी केलाबत्ती राजवंशीलाई प्रहरीले घाइते अवस्थामा भेटेको थियो ।  राजव‌ंशीलाई मेची प्रादेशिक अस्पताल भद्रपुरमा उपचारका लागि लगिएकोमा त्यहाँ उपचार हुन नसकेपछि भद्रपुरकै ओमसाई पाथीभरा अस्पतालमा थप उपचारका लागि लैजाँदै गर्दा मृत्यु भएको प्रहरीले जनाएको छ ।


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.


Enter Kantipur TV HD
Advertisement