काठमाडौं । नेपाली कांग्रेसको केन्द्रीय कार्यसमितिको बैठक बुधबार बिहान ११ बजे फेरि बस्नेगरी स्थगित भएको छ ।
बैठकका एजेन्डामाथि केन्द्रीय सदस्यहरू बोल्ने क्रम बाँकी भएको कारण बुधबार फेरि बस्नेगरी बैठक स्थगित भएको पार्टी प्रवक्ता देवराज चालिसेले जानकारी दिनुभयो । उहाँकाअनुसार बैठकमा मंगलबार २८ जना केन्द्रीय सदस्यहरुले धारणा राखेका छन् ।
बैठकमा संविधान संशोधन अध्ययनका लागि विज्ञ समिति गठन, १५औँ महाधिवेशन तयारी, उम्मेदवारसँग प्रदेशस्तरीय निर्वाचन समीक्षा, प्रदेश तथा स्थानीय सरकारको प्रभावकारी सञ्चालन र भ्रातृ सङ्घ, शुभेच्छुक संस्था तथा जनसम्पर्क समिति लगायतका विषयमा बाँकी केन्द्रीय सदस्यहरूले धारणा राख्ने प्रवक्ता चालिसेले बताउनुभयो ।
मंगलबारको बैठकको सुरुमा सभापति गगनकुमार थापाले अगामी भदौ २४-२६ गतेसम्म १५औँ अधिवेशन गर्ने कार्यतालिका प्रस्ताव गर्नुभएको छ ।
