काठमाडौं । मधेश प्रदेशको मुख्यमन्त्रीमा कृष्णप्रसाद यादव नियुक्त हुनुभएको छ ।
शुक्रबार साँझ प्रदेश प्रमुख सुरेन्द्र लाभ कर्णले संविधानको धारा १६८ को उपधारा (२) बमोजिम उहाँलाई मुख्यमन्त्रीमा नियुक्त गर्नुभएको हो। ६ दलका ७७ जना प्रदेशसभा सदस्यको समर्थनमा यादवले प्रदेश प्रमुखसमक्ष दाबी पेस गर्नुभएको थियो । हाल मधेश प्रदेश सभामा १ सय ४ जना प्रदेशसभा सदस्य छन् ।
लामो रस्साकस्सीपछि शुक्रबार दिउँसो सात दलका नेताहरूले कांग्रेसलाई मुख्यमन्त्री दिने सहमति गरेपछि उहाँ मुख्यमन्त्रीमा नियुक्त हुनुभएको छ।
