धनुषा । प्रदेश प्रमुख सुमित्रा सुवेदी भण्डारीले मधेशका मुख्यमन्त्रीमा नेकपा एमालेका सरोजकुमार यादवलाई नियुक्त गर्नुभएको छ ।
मुख्यमन्त्री यादव र तीन मन्त्रीलाई बर्दिबासको एक होटलमा सपथ गराएर उहाँ काठमाडौं जानु भएको छ । हिजो दिनभरिको रस्साकस्सीपछि आज एकाबिहान ४ वजे नेपालको संविधानको धारा १६८ को उपधारा ३ बमोजिम यादवलाई मुख्यमन्त्रीमा नियुक्त गरिएको हो ।
महोत्तरीको बर्दिबासको एक होटेलमा सपथ ग्रहणपछि मुख्यमन्त्री सरोजकुमार यादवले एमालेका लखन दास तत्मा, राप्रपाकी कंचन बिच्छा र संघीय समाजवादीकी बिमला अन्सारी तरन्नुमलाई बिना विभागीय मन्त्री नियुक्त गरि सपथ गराउनुभएको हो ।
