काठमाडौं । नेकपा (माओवादी केन्द्र)का संयोजक पुष्पकमल दाहालले निर्वाचनमा जान दलहरू सहमत भइसकेको दाबी गर्दै चुनावी वातावरण बनाउन सबैलाई आग्रह गर्नुभएको छ ।
अगुवा कार्यकर्ता प्रशिक्षणका लागि गोरखा पुगेका दाहालले आइतबार पत्रकार भेटघाटको क्रममा तोकिएको समयमा शान्तिपूर्ण र निषक्षरूपमा चुनाव सम्पन्न गराउनुपर्ने अहिलेको आवश्यकता रहेको समेत बताउनुभयो ।
उहाँले एकताका लागि विभिन्न दलसँग छलफल भइरहेको भए पनि चुनाव चिन्ह र नामको बारेमा कुनै पनि निर्णय नभएको समेत प्रष्ट पार्नुभयो ।
