काठमाडौं । अवरुद्ध सदन सञ्चालन गर्ने विषयमा सत्तारुढ नेपाली कांग्रेस र विपक्षी दलहरुको बैठक निष्कर्षविहीन भएको छ ।
संसद् भवन नयाँ बानेश्वरमा बसेको नेपाली कांग्रेस र नेकपा माओवादी केन्द्र तथा रास्वपाबीचको बैठक निष्कर्षविहीन भएको हो ।
भिजिट भिसा प्रकरण छानबिन गर्नुपर्ने विपक्षीको मागमा नेपाली कांग्रेस असहमत भएपछि बैठकबाट निष्कर्ष निस्कन नसकेको रास्वपाका प्रमुख सचेतक सन्तोष परियारले जानकारी दिनुभयो । हिजो पनि बैठक सुरु हुनेबित्तिकै विपक्षी दलले अवरुद्ध गरेपछि बैठक आज दिउँसो २ बजेका लागि सारिएको थियो ।
