काठमाडौं । प्रतिनिधि सभा बैठक बिहीबार दिउँसो साढे १ बजेसम्मका लागि स्थगित भएको छ । विपक्षी दलहरूको अवरोधका कारण आजका लागि बोलाइएको प्रतिनिधि सभा बैठक बिहीबार दिउँसो साढे १ बजेसम्मका लागि स्थगित भएको हो ।
भिजिट भिसा प्रकरणमा गृहमन्त्री रमेश लेखकले राजीनामा दिनुपर्ने माग राख्दै प्रमुख प्रतिपक्षी दल माओवादीसहितका विपक्षी दलको अवरोधका कारण बैठक स्थगित गरिएको हो । यसअघि मंगलबार पनि प्रतिपक्षी दलहरूको विरोधका कारण नियमित कार्यसूचीमा प्रवेश नै नगरी प्रतिनिधि सभा बैठक स्थगित भएको थियो ।
बिहीबार साढे १ बजे आर्थिक सर्वेक्षण पेश हुने र ३ बजे बजेट प्रस्तुत हुने कार्यतालिकामा दलहरूबीच सहमति भएको छ ।
