काठमाडौं । प्रतिनिधिसभा बैठक भोलि बुधबार ११ बजेसम्मका लागि स्थगित भएको छ ।
विपक्षी दलका सांसदहरुले गृहमन्त्री रमेश लेखकको राजीनामा माग गर्दै बैठक अवरुद्ध गरेपछि भोलिसम्मका लागि स्थगित गरिएको हो ।
'भिजिट भिसा' प्रकरणमा गृहमन्त्रीको नाम जोडिएपछि विपक्षी दलहरुले राजीनामा माग गरिरहेका छन् ।
राजीनामा नआएसम्म बैठक चल्न नदिने अडान राख्दै नाराबाजी गरेपछि आज बैठक चल्न सकेन । त्यसपछि आधा घण्टाका लागि रोकिएको बैठक भोलिका लागि सारियो ।
