काठमाडौं । विपक्षी दलका सांसदहरूले सरकारले गभर्नर नियुक्त नगर्दा राष्ट्र बैंकको बदनाम भएको टिप्पणी गरेका छन् । प्रतिनिधि सभाको आजको बैठकमा माओवादी केन्द्रकी सांसद रेखा शर्माले सत्तारुढ दलहरुको स्वार्थ नमिल्दा गभर्नर नियुक्ति हुन नसकेको भन्दै त्यसले राष्ट्रको बदनाम भएको बताउनुभयो ।
उहाँले दुईतिहाइको सरकारले गभर्नर नियुक्ति गर्न नसक्नुको कारण के हो भन्दै प्रश्न समेत गर्नुभयो । राप्रपाका सांसद रोशन कार्कीले गभर्नर पद लिलामीमा गएको भन्दै सरकारको आलोचना गर्नुभयो ।
सत्तारुढ दलबीच कुरा नमिल्दा चैत २४ गतेदेखि नेपाल राष्ट्र बैंकको गभर्नर रिक्त रहेको छ ।
