काठमाडौं । नेकपा माओवादी केन्द्रले सरकारविरुद्ध प्रदर्शन सुरु गरेको छ । सरकारविरुद्धको खबरदारी सभाअघि माओवादीले विरोध र्याली निकालेको हो ।
सुन्धाराबाट सुरु भएको जुलुस रत्नपार्क, बागबजार हुँदै प्रदर्शनीमार्गमा पुगेर खबरदारी सभामा परिणत हुने माओवादी केन्द्रले जानकारी दिएको हो।
सरकार बाढीपहिरोमा बेपत्ताहरुको खोजी, राहत वितरण र पुनर्निर्माणमा चुकेको भन्दै माओवादीले खबरदारी सभा आयोजना गरेको माओवादीले जनाएको छ। सभामा माओवादी अध्यक्ष पुष्पकमल दाहालले सम्बोधन गर्ने कार्यक्रम छ ।
नेकपा कम्युनिष्ट पार्टी (माओवादी केन्द्र) बागमती प्रदेश समिति, उपत्यका विशेष प्रदेश समिति र सम्पर्क समन्वय प्रदेश समितिले संयुक्त रुपमा खबरदारी कार्यक्रमको संयोजन गरेको हो ।