काठमाडौं । नेकपा माओवादी केन्द्रले आज सरकारका गलत कदमविरुद्ध जनप्रदर्शन तथा भ्रष्टाचार र बेथितिका विरुद्धकामका लागि ध्यानाकर्षण गराउन खबरदारी सभा गर्ने भएको छ । आज दिउँसो ११ बजे काठमाडौंको प्रदर्शनी मार्ग सडकमा खबरदारी कार्यक्रम खबरदारी सभा गर्ने माओवादी केन्द्रले जनाएको छ ।
सरकार बाढीपहिरोमा बेपत्ताहरुको खोजी, राहत वितरण र पुनर्निर्माण चुकेको भन्दै माओवादीले खबरदारी सभा गर्न लागेको हो । सरकारलाई सुशासनका विषयमा खबरदारी गर्ने जनाइएको छ । सभामा माओवादी अध्यक्ष पुष्पकमल दाहालले सम्बोधन गर्ने बताइएको छ ।
नेकपा कम्युनिष्ट पार्टी (माओवादी केन्द्र) बागमती प्रदेश समिति, उपत्यका विशेष प्रदेश समिति र सम्पर्क समन्वय प्रदेश समितिले संयुक्त रुपमा खबरदारी कार्यक्रमको संयोजन गरेको हो ।