प्रधानमन्त्री ओलीले आज एक सय दिनको उपलब्धि सार्वजनिक गर्दै

काठमाडौं । प्रधानमन्त्री केपी शर्मा ओलीले आज सरकारको एक सय दिनको उपलब्धि सार्वजनिक गर्दै हुनुहुन्छ ।

आज दिउँसो ३ बजे सिंहदरबारबाट सरकारको सय दिनको उपलब्धि सार्वजनिक गर्न लागेको प्रधानमन्त्रीको सचिवालयले जनाएको छ। प्रधानमन्त्री ओली गत असार ३० गते चौथो पटक प्रधानमन्त्री बन्नुभएको हो । गत असार १७ गते नेपाली कांग्रेस र नेकपा एमालेका बीचमा ७ बुँदे सहमति भएपछि ओली प्रधानमन्त्री बन्नुभएको हो ।

यसैबीच प्रधानमन्त्री ओलीको आह्वानमा सत्तारुढ दलको बैठक बालुवाटारमा जारी छ । बैठकमा सरकारको एक सय दिनको कामको समीक्षा, आगामी कार्यदिशा र समसामयियक राजनीतिक विषयमा भइरहेको बताइएको छ । बैठकमा सरकारमा सहभागी नेपाली कांग्रेस, नेकपा एमाले, जनता समाजवादी पार्टी नेपाल, लोकतान्त्रिक समाजवादी पार्टी सहभागी छन्।