काठमाडौं । प्रधानमन्त्री केपी शर्मा ओलीले हालैको बाढी पहिरोबाट क्षतिग्रस्त बीपी राजमार्ग पुनर्निर्माणमा सघाउन जापानसँग प्रस्ताव राख्नुभएको छ ।
जापानी राजदूत किकुता युताकासँग बालुवाटारमा भएको भेटवार्तामा प्रधानमन्त्री ओलीले बीपी राजमार्ग पुनर्निर्माणका लागि जापानबाट सहयोगको प्रस्ताव राख्नु भएको हो ।
जवाफमा राजदूत युताकाले उक्त विषयमा आफूले जापान सरकारसँग कुरा राख्ने बताउनु भएको थियो । भेटमा दुई देशबीचको सम्बन्ध र आपसी हितबारे पनि छलफल भएको प्रधानमन्त्री ओलीको सचिवालयले जनाएको छ ।
