काठमाडौं । नेकपा माओवादी केन्द्रका केन्द्रीय सदस्य तथा पूर्वमन्त्री सुदन किरातीले पार्टी पङ्क्तिलाई पूर्णरुपमा जनतामा केन्द्रित गर्न लिखित सुझाव पेस गर्नु भएको छ ।
उदयपुरमा भएको कोशी प्रदेश स्तरीय केन्द्रीय सदस्य र प्रदेश पदाधिकारी बैठकमा किरातीले पार्टी बनाउने अन्तिम अवसर र चुनौती भएकाले जनता केन्द्रित गर्न नसके पार्टी उठ्ने आधार नरहेको बताउनु भयो ।
नेपाली मौलिकतामा समाजवादी विचारको निर्माण र संगठन परिचालन शीर्षकमा किरातीले ६ बुँदे लिखित सुझाव बैठकमा पेस गर्नु भएको हो । उहाँले ऋतुअनुसारका संगठन परिचालनका काम, विचार निर्माणका लागि जनतामा घुलमिल, स्थानीय तहबाट समाजवाद निर्माणको अभ्यास लगायतका विषय सुझावमा समेटेका छन् ।
दुई दिनसम्म चल्ने परामर्श बैठकमा अध्यक्ष पुष्पकमल दाहालसहित उपमहासचिव तहसम्मका नेता सहभागी छन् ।
सुदन किरातीका ६ बुँदे सुझाव :
