काठमाडौं । राष्ट्रिय स्वतन्त्र पार्टीका महामन्त्री मुकुल ढकालले आफ्नो पार्टीलाई रविको पार्टी नभई राष्ट्रिय स्वतन्त्र पार्टी बनाउन आग्रह गर्नुभएको छ ।
ढकालले आज केन्द्रीय समितिको बैठकमा प्रस्तुत गर्नुभएको समीक्षा प्रतिवेदनमा आधारित प्रस्तावमा यस्तो आग्रह गर्नुभएको हो ।
उहाँले सभापतिलाई अन्य दलसँग मिलेकामा ब्यंग्य गर्दै 'झिँगासँग उडियो भने गूमा पुगिन्छ' भन्दै मौरीसँग उड्न आग्रह समेत गर्नुभएको छ । महामन्त्री ढकालले यसअघि ३८ जिल्ला पुगेर तयार पारेको समीक्षा प्रतिवेदन गत साता सभापति रवि लामिछानेलाई बुझाउनु भएको थियो ।
ढकालले बुझाएको ३२ पृष्ठको प्रतिवेदनमा पार्टीको जनाधार खस्कँदै गएको र यस्तै अवस्था रहे आउँदो निर्वाचनमा राष्ट्रिय पार्टी बन्नसमेत कठिन हुने उल्लेख छ । प्रतिवेदनका बारेमा सावर्जनिक अभिव्यक्ति दिएको भन्दै रास्वपाले ढकाललाई स्पष्टीकरणसमेत सोधिसकेको छ । महामन्त्री ढकालले केन्द्रीय समिति बैठकमा आफ्नो प्रतिवेदनमाथिको छलफल प्रत्यक्ष प्रसारणको माग गर्नु भएको थियो । प्रत्यक्ष प्रसारण नगर्ने सभापति लामिछानेको निर्णयप्रति विरोध जनाउँदै ढकाल विरोधस्वरुप आजको बैठकमा मुखमा कालोपट्टी बाँधेर उपस्थित हुनुभएको छ ।
यस्तो छ महामन्त्री ढकालले सभापति रवि लामिछाने समक्ष पेस गरेको समीक्षा प्रतिवेदनमाथि आज प्रस्तुत प्रतिवेदनको पूर्णपाठ