काठमाडौं । राष्ट्रिय स्वतन्त्र पार्टी (रास्वपा)को केन्द्रीय समितिको बैठक आज बस्दै छ । पार्टी केन्द्रीय कार्यालयमा अहिले बिहान ८ बजेबाट बस्ने गरी बैठक बोलाइएको हो ।
एमाले-कांग्रेसको नयाँ सत्ता सहकार्यको सहमति भएपछि रास्वपाको बैठक बस्न लागेको हो । आजको बैठकमा वर्तमान राजनीतिक परिवर्तनका बारेमा पनि छलफल हुने जनाइएको छ । रास्वपाले नयाँ गठबन्धनमा सहभागी नहुने बताइसकेको छ ।
यस्तै आजको बैठकमा पार्टी महामन्त्री मुकुल ढकालले सभापतिलाई बुझाएको समीक्षा प्रतिवेदनमाथि पनि छलफल हुने बताइएको छ ।
