काठमाडौं । सहकारी संस्थाको बचत रकम दुरुपयोग सम्बन्धमा गठित संसदीय छानबिन विशेष समितिले राष्ट्रिय मान्यताप्राप्त राजनीतिक दलहरूसँग समस्या समाधानका लागि सुझाव माग गर्ने निर्णय गरेको छ ।
छानबिन विशेष समितिको आज बसेको बैठकले सहकारी महासंघ, बचत तथा ऋण केन्द्रीय सहकारी संघ र सहकारी बैंक लिमिटेडका पदाधिकारीसँग छलफल गरेको छ ।
अब दलहरुसँग सुझावका लागि पत्राचार गरिने समितिका संयोजक सूर्यबहादुर थापाले जानकारी दिनुभयो । सहकारी समस्यालाई जस्ताको तस्तै बुझ्न, तथ्य प्राप्त गर्न र समाधान गर्ने कोसिस जारी रहेको बताउनुभयो । सहकारी समस्या आर्थिक क्षेत्रको समस्या मात्रै नभएर तीनखम्बे अर्थतन्त्रकै खम्बा भएको बताउनुभयो ।