काठमाडौं । सहकारीको बचत रकम दुरुपयोग सम्बन्धमा गठित संसदीय छानबिन विशेष समितिले गृहसचिव र प्रहरी महानिरीक्षकलाई बोलाएको छ ।
सिंहदरबारमा आज बसेको सीआईबी र प्रहरीले छानबिन गरेका सहकारीहरुको स्थितिबारे जानकारी गराउन समितिले गृहसचिव एकनारायण अर्याल र प्रहरी महानिरीक्षक वसन्तबहादुर कुँवरलाई बोलाएको हो ।
समितिले समस्याग्रस्त २९ वटै सहकारीका सञ्चालकहरुलाई पनि समितिमा उपस्थित हुन निर्देशन दिएको छ । छानबिन विशेष समितिले अनुसूचीमा रहेका २९ वटै सहकारीका सञ्चालकलाई समितिमा उपस्थित भई अनुसन्धानमा सहयोग गर्न आग्रह गरेको सभापति सूर्यबहादुर थापाले जानकारी दिनुभयो ।
समितले आज महालेखापरीक्षक तोयम राया, सम्पत्ति शुद्धीकरण विभागका महानिर्देशक कमलप्रसाद भट्टराई र सहकारी विभागका रजिस्ट्रार पीताम्बर घिमिरेसहित अधिकारीहरुसँग छलफल गरेको थियो ।
सहकारीको रकम दुरुपयोग गरी सर्वसाधारणको बचत हिनामिना गरेको आरोपमा गृहमन्त्री रवि लामिछानेसमेत मुछिएपछि संसद्ले छानबिनका लागि विशेष समिति बनाएको हो ।
यो पनि...
अनुसन्धानमा सघाउन समस्याग्रस्त २९ वटै सहकारी सञ्चालकलाई छानबिन समितिको निर्देशन