काठमाडौं । नेपाल प्रहरीका महानिरीक्षक दीपक थापाले काठमाडौं उपत्यकामा लागुऔषध विरूद्धको घर अभियान सुरू भएको बताउनुभएको छ ।
शुक्रबार काठमाडौंमा आयोजित एक कार्यक्रममा बोल्दै उहाँले यस्तो बताउनुभएको हो । उहाँले केही समय पहिला सुरू गरेको लागुऔषधविरूद्धको महाअभियान महत्वपूर्ण सावित भइरहेको बताउनु भयो ।
उहाँले काठमाडौं उपत्यकामा ललितपुर महानगरपालिकाबाट लागुऔषधविरूद्धको घर अभियान सुरू भएको जानकारी दिनुभयो । यसले घर, समाज र देशलाई नै सुरक्षित बनाउने उहाँले जिकिर गर्नुभयो । यसको प्रभावकारी कार्यान्वयनका लागि समन्वय र सहकार्य जरूरी रहेको उहाँकाे भनाइ थियाे ।
महानिरीक्षक थापाले लागुऔषधविरूद्धको महाअभियान लागुऔषध नियन्त्रणका लागि महत्वपूर्ण सावित भएको बताउनु भयो । यसलाई अझै प्रभावकारी बनाउन थप योजना र रणनीति बनाउन जरूरी रहेको उहाँले बताउनु भयो ।
