सिन्धुलीमा रूखले किच्दा दुई जनाको मृत्यु, तीन घाइते

श्रावण १६, २०८२ |कान्तिपुर टीभी संवाददाता
सिन्धुलीमा रूखले किच्दा दुई जनाको मृत्यु, तीन घाइते

कमलामाई । सिन्धुलीको हरिहरपुरगढी गाउँपालिका-१ बस्तीपुरमा रूखले किच्दा दुई जनाको मृत्यु भएको छ भने तीन जना घाइते भएका छन् । 

शुक्रबार दिउँसो अविरल वर्षासँगै आएको पहिरोले सालको रूख टहरामा खसेको थियो । घटनामा टहरामा ओत लागेका नौ वर्षीय सार्की थिङ र १६ वर्षीय शन्ता गोलेको मृत्यु भएको जिल्ला प्रहरी कार्यालयका प्रहरी नायब उपरीक्षक सूर्यप्रकाश सुवेदीले जानकारी दिनुभयो । 

उहाँका अनुसार दुवै जनाको घटनास्थलमै मृत्यु भएको हो । यस्तै, १४ वर्षीया सिर्जना माया, १५ वर्षीया सन्ध्या भोलन र सात वर्षीय सुशील थिङ घाइते भएका छन् । 

तीनै जनालाई उपचारका लागि हेटौँडा अस्पताल पठाइएको प्रहरीले जनाएको छ ।-रासस


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.