काठमाडौं । निर्वाचन आयोगकी पूर्वआयुक्त इला शर्माको निधन भएको छ ।
छाती दुखाइपछि थापाथलीस्थित नर्भिक अस्पताल भर्ना भएकी शर्माको शनिबार साँझ उपचारका क्रममा हृदयाघातका कारण निधन भएको पारिवारिक स्रोतले जनाएको छ ।
परिवारका एक सदस्यका अनुसार आइतबार भारतबाट जेठी छोरी आएपछि शर्माको अन्त्येष्टि प्रक्रिया अघि बढाइने छ । इलाले २०६९ देखि ०७५ सम्म संवैधानिक निकाय निर्वाचन आयोगमा आयुक्तको जिम्मेवारी सम्हालेकी थिइन् । ६२ वर्षीया शर्मा पूर्व पत्रकार पनि हुन् । शर्माको दुई छोरी छन् ।
