जुम्ला । जुम्लास्थित संघीय खानेपानी तथा ढल निकास व्यवस्थापन कार्यालयमा स्थानीय राजनीतिक दलहरुले तालाबन्दी गरेका छन् ।
गत असार २३ गतेको मन्त्रीस्तरीय निर्णयले जुम्लास्थित खानेपानी कार्यालय खारेज गरेपछि पुनर्स्थापनाको माग गर्दै दलहरुले कार्यालयमा ताला लगाएका हुन् ।
जुम्लास्थित नेपाली कांग्रेस, एमाले, माओवादी केन्द्र र राष्ट्रिय प्रजातन्त्र पार्टीका पदाधिकारीको बैठकले संघीय खानेपानी कार्यालय यथासिघ्र जुम्लामै रहनुपर्ने माग गरेको छ । कार्यालय खारेजीले २० भन्दा धेरै आयोजनाहरु अलपत्र परेका छन् । जुम्लाको एकमात्र गौरबको आयोजना धौलीगाड खानेपानी आयोजनाको काम पनि अन्योलमा परेको छ ।
