खोटाङ । पौडी खेल्ने क्रममा सुनकोशी नदीमा खोटाङका एक किशोर बेपत्ता भएका छन । हलेसी तुवाचुङ नगरपालिका-२ डिकुवा घर भएका १६ वर्षीय सविन राई सुनकोशीमा नदीमा बेपत्ता भएका हुन् ।
शनिबार बिहान करिब ११ बजेको समयमा राईलाई पौडी खेल्दा खेल्दै सुनकोशीले बगाएको डिकुवाका वडाध्यक्ष देबेन्द्र राईले जानकारी दिनुभयाे ।
स्थानीयहरूले खोजी कार्य जारी राखेपनि हालसम्म फेला नपरेको वडाध्यक्ष राईको भनाई छ ।
च्यास्मिटार प्रहरी चौकीबाट प्रहरीहरू घटनास्थलमा पुगेको जिल्ला प्रहरी कार्यालय खोटाङले जनाएको छ ।
